На 12. март, девет европски универзитети остварија средба во Офенбург, Германија, за да го потпишат Конзорциумскиот договор, со што официјално ја започнаа Алијансата ChallengeEU. Оваа иницијатива има за цел да се зголеми квалитетот и конкурентноста на високото образование во Европа, да се зајакне интеграцијата и да се олесни мобилноста за студентите, за академскиот кадар и за научната заедница. Покрај другите стратешки цели, во фокусот на проектот е трансформацијата на универзитетите во компонентата за поддршка на влијанието на индустријата, дигиталните аспекти, учењето со знаења и вештини за иднината, кои ќе одговорат на дигиталната генерација и трансформираниот пазар на трудот и општеството во целина.
Еден од водечките универзитети во оваа алијанса е Универзитетот на Југоисточна Европа. По тој повод, ректорот акад. проф. д-р Абдулменаф Беџети истакна:
„Регионалниот контекст е уникатен концепт, а земјите со мала географска големина можат да имаат влијание и соработка преку нивните граници. Во моментов, околу 10-15% од студентите доаѓаат од земјите на Западен Балкан. Промените се случуваат со брзо темпо и во нашиот регион, но постои изразен јаз меѓу теоретските знаења што се изучуваат и практичните вештини што се применуваат во реалноста.“
Алијансата ChallengeEU вклучува универзитети од Германија, Северна Македонија, Франција, Шведска, Португалија, Полска, Латвија, Шпанија и Швајцарија. Партнерските универзитети ќе креираат заеднички европски кампус за размена на знаења и академски развој.
Преку оваа алијанса ќе се трансформира традиционалниот модел на универзитетите, со интегрирање на иновативен пристап во наставата, истражувањето и професионалната обука. Исто така, целта е креирање меѓууниверзитетски кампус, промоција на инклузивно образование и развој на заеднички иновативен еко-систем.
Со повеќе од 83.000 студенти и 9.000 академски кадар, ChallengeEU има за цел да ги поврзе универзитетите со јавниот и со приватниот сектор, осигурувајќи високото образование да биде подготвено за предизвиците на иднината.
This information was originally published and can be accessed via this link: source link.
Responses